Бразилия құрамасының шабуылшысы Неймар Қатардағы әлем чемпионатындағы алғашқы жеңістен кейін пікір білдірді, деп хабарлайды Vesti.kz тілшісі.
"Ойын өте тартысты болды. Ең бастысы жеңіске жеттік. Алғашқы қадам жасалды. Мақсатымызға жету үшін алда әлі алты кездесу бар", - деп жазды Неймар әлеуметтік желіде.
Еске салайық, G тобында Бразилия мен Сербия кездесіп, Тите шәкірттері 2:0 есебімен жеңіске жетті. "Тоттенхэм" форварды Ришарлисон дубль авторы атанды.
Енді Бразилия құрамасы 28 қараша күні Камерунмен кездессе, сол күні Швейцария мен Сербия өзара мықтыны анықтайды.