Футболдан Қазақстан чемпионатының 14-ші турында "Ақтөбе" қостанайлық "Тобылдан" ұтылды, деп хабарлайды Vesti.kz.
Қостанайда өткен кездесу 2:1 есебімен аяқталды. Алаң иелері сапынан Азат Нұрғалиев (17-ші минут, пенальти) және Дмитрий Мирошниченко (29) гол салды.
"Ақтөбе" сапынан 87-ші минутта Боян Дубайич гол соқты.
Қатарынан үшінші рет жеңіске жетіп отырған "Тобыл" 31 ұпаймен турнир кестесінде екінші келеді. Бірінші тұрған "Астанамен" ұпай айырмашылығы үш балл ғана.