"Ақтөбе" футбол клубы меншікке өтті, деп хабарлайды Vesti.kz тілшісі клубтың баспасөз қызметіне сілтеме жасап.
Жаңа иесі клубты ұзақ мерзімді даму бағытына негізделген, тұрақты әрі жүйелі спорттық жоба ретінде дамытуды көздеп отыр. Қазіргі басшылық жұмысындағы негізгі басымдықтарды да атап өтті:
– Клубтың спорттық нәтижелерін тұрақты түрде жақсарту;
– Балалар мен жасөспірімдер футболын дамыту;
– Академия мен инфрақұрылымды жаңғырту;
– Басқару жүйесін халықаралық стандарттарға сай жетілдіру;
– Жанкүйерлермен ашық әрі сенімді қарым-қатынас орнату және басқа да бағыттар.
Өткен маусымда "Ақтөбе" Қазақстан премьер-лигасында бесінші орын алып, еурокубок жолдамасынан тыс қалды.
"Қызыл-ақтар" өз тарихында Қазақстан чемпионатын бес рет жеңіп алған.
Жарнама