"Ақтөбе" футбол клубы Түркиядағы оқу-жаттығу жиындары кезінде үш жолдастық кездесу өткізеді. Бұл туралы команданың баспасөз қызметі хабарлады.
6 ақпан күні ақтөбеліктер Өзбекстанның "Навбахор" командасымен ойнайды. Араға екі күн сала тағы бір өзбек клубы "Туронмен" кездеседі. Ал 13 ақпанда Украинаның "Колос" командасымен кездесу өткізеді.
Андрей Карпович жаттықтыратын команда 2023 жылғы Қазақстан премьер-лигасы чемпиондығына үміткер ұжымдардың бірі.