Қазақстандық шабуылшы Оралхан Өміртаев келісімшартының аяқталуына байланысты "Ақтөбе" клубынан кетті, деп хабарлайды Vesti.kz.
Форвард "қызыл-ақтардың" құрамына жыл басында қосылған болатын. Маусым барысында ол барлық турнирде 23 матч өткізіп, 4 гол соқты және 6 нәтижелі пас берді.
Өміртаевтың кәсіби мансабында Беларусьтің БАТЭ, "Слуцк" клубтарында ойнады, сондай-ақ, Қазақстанда "Атырау", "Ақжайық", Қарағандының "Шахтер" және "Тобыл" командаларында өнер көрсеткен.
2018 жылдан бері шабуылшы Қазақстан құрамасына тұрақты түрде шақырылып келеді.
Айта кетейік, "Ақтөбе" командасы ҚПЛ-2025 маусымын турнирлік кестеде бесінші орында аяқтады.
Жарнама