Киевтің "Динамо" клубының бұрынғы бас бапкері Александр Шовковский қазақстандық клубтың қызығушылығын тудырды, деп хабарлайды Vesti.kz.
Шовковскийге "Ақтөбе" ұсыныс жасады
Дереккөз мәліметінше, 51 жастағы маманға "Ақтөбе" клубы ұсыныс жасаған. Алайда украиндық бапкер Қазақстан командасын жаттықтырудан бас тартқан.
Telegram-дағы "Инсайды от Пасечника 2.0" арнасының хабарлауынша, Шовковскийге екі клуб қызығушылық танытқан екен.
"Бойко арнасына берген сұхбатында СаШо өзіне екі клуб қызығушылық танытқанын айтты. Біз солардың біреуі туралы білеміз. Біздің мәлімет бойынша, сол клубтардың бірі - "Ақтөбе". Алайда дереккөздеріміздің айтуынша, Шовковскийдің өзі Қазақстан клубына барғысы келмеген", - делінген хабарламада.
Александр Шовковский кім?
Александр Шовковский - украиналық бапкер әрі бұрынғы қақпашы. Ол кәсіпқой карьерасының басым бөлігін "Динамо" сапында өткізіп, клуб үшін 636 ресми матч ойнаған және команданың рекордсмені атанған.
Шовковский 14 рет Украина чемпионы, сондай-ақ, 11 рет Украина Кубогының және 6 рет Суперкубоктың иегері болған.
Ойыншы карьерасын аяқтағаннан кейін ол Украина ұлттық құрамасы мен "Динамоның" бапкерлер штабында жұмыс істеді.
2023 жылы киевтік клубтың бас бапкері атанып, 2024/25 маусымында "Динамоны" бірде-бір жеңіліссіз Украина чемпионы атандырды. Сондай-ақ, оның жетекшілігімен команда 2023/24 маусымында күміс жүлде жеңіп алды.
Алайда 2025 жылдың қарашасында Александр Шовковский УЕФА Конференциялар лигасы турнирінде "Омония" клубынан жеңілгеннен кейін "Динамодағы" бас бапкер қызметінен кеткен.
Жарнама