Павлодарлық "Ақсу" командасы допингпен ұсталған жартылай қорғаушы Айбол Әбікенді құрамынан шығарып тастады, деп жазады Vesti.kz тілшісі.
26 жастағы футболшы "Ақсу" командасының ҚКФЛ-да футболшылар тізімінен шығарылды. Ол биыл "Қайрат" сапынан "Ақсуға" жалға ауысқан болатын.
"Ақсу" сапында Әбікен ҚПЛ-да 7 кездесу өткізіп, үш гол соғып, бір нәтижелі пас берген болатын.
Еске салайық, мамыр айының басында жартылай қорғаушының қанынан рұқсат етілмеген Молдронат табылды. Әбікен содан соң төрт жылға шеттетілді. Ол енді футболға 2026 жылдың 29 сәуірінде ғана қайта орала алады.