"Манчестер Юнайтед" жаңа маусым қарсаңында құрамды түбегейлі жаңартуды жоспарлап отыр, деп хабарлайды Vesti.kz.
Клубтың басты трансферлік нысанасы – Роберт Левандовски. "Барселона" шабуылшысы маусым соңында клубтан кетуі мүмкін және "қызыл сойқандарға" еркін агент ретінде қосылуы ықтимал.
Трансфердің негізгі тұстары:
Роберт Левандовски командадан кетуі мүмкін Джошуа Зиркзе орнына келіп, негізгі шабуылшы рөлін атқарады;
Сондай-ақ жас талант Беньямин Шешко үшін тәжірибелі тәлімгер бола алады.
Жасына қарамастан, поляк шабуылшысы осы маусымда 40 матчта 17 гол соғып, бабында екенін байқатып отыр.
Клубтың жалпы жоспары:
Майкл Каррик тек шабуыл шебін ғана емес, құрамды толық жаңартуды көздейді. «МЮ» сол жақ қорғаушы, шабуылшы вингер және екі орталық жартылай қорғаушы алуды жоспарлап отыр. Негізгі мақсат – Англия Премьер-лигасы титулын қайтадан "Олд Траффорд" стадионына қайтару.
Клуб Роберт Левандовски өкілдерімен келіссөздерді бастап кеткен. Манчестерліктер оның тәжірибесі командаға УЕФА Чемпиондар лигасы аясында табысқа жетуге көмектеседі деп сенеді.
Еске салайық, Роберт Левандовски "Барселона" сапында 2022 жылдан бері өнер көрсетіп келеді. Ол бұған дейін "Бавария" клубынан 45 миллион еуроға ауысқан. Сонымен қатар, ойыншыға "Ювентус" тарапынан да қызығушылық болғаны хабарланған.
Жарнама