Агуэро Амстердамда жол апатынан зардап шекті

Аргентина құрамасының және "Манчестер Сити" шабуылшысы Серхио Агуэро Нидерландыда жол-көлік оқиғасы салдарынан зардап шекті, - деп хабарлайды "Чемпионат.com".

Аргентинада дереккөзге сілтеме жасаған Goal басылымы футболшының Амстердамға колумбиялық орындаушы Малуманың концертіне барған. Концерт аяқталғаннан кейін әуежайға барар жолда, футболшы таксимен жол апатына ұшыраған. 

Агуэро қауіпсіздік белбеуін таққан, алайда ол қабырғасын жарақаттап алған. Әзірге қандай деңгеуде зардап шеккені белгісіз. Бұл мәліметті "Санчестер Сити" клубы мен Аргентина құрамасының басшылығы да ресми түрде хабарлаған жоқ.

Ole басылымының мәліметінше, 29 жастағы аргентиналықтың қабырғасы сынған. Оның қайта қалпына келуі үшін шамамен екі ай уақыт кетеді екен.