Агент Қырғызстан құрамасы капитанының қазақстандық клубқа ауысуы жайлы пікір білдірді

Футболдан Қырғызстан құрамасының капитаны Валерий Кичин карьерасын Қазақстанда жалғастыруы мүмкін. Футболшының агенті Олег Шигаев Vesti.kz тілшісіне берген сұхбатында ойыншыға ҚПЛ клубы қызығушылық танытып отырғанын айтады. 

Өткен аптада 27 жастағы қорғаушы мәскеулік "Торпедо" сапынан кетті. Бұл командада ол үш ресми матчте ойнады. "Әзірге келіссөз жүріп жатыр, нақты ештеңе айта алмаймын", - дейді Шигаев. 

2013 жылдан бері Кичин "Торпедо" клубынан бөлек: "Волга", "Химик", "Уфа", "Анжи", "Тюмень" мен "Енисей" сияқты ресейлік командаларда өнер көрсетіп келеді. Ал былтыр Минск "Динамосында" да ойнады.

Қырғызсатн құрамасы үшін футболшы 30 матчте ойнап, 2019  жылы Азия кубогының финалына дейін жеткен. Ал құрама үшін бірінші голын 2016 жылы Қазақстанға қарсы ойында салған екен. 

Тransfermarkt мәліметінше, Кичиннің трансферік құны 950 мың еуро.