2022 жылы Катарда өтетін әлем чемпионатына тура жолдама жеңіп алатын он команданың тоғызы анықталды, деп хабарлайды Vesti.kz.
2020 жылғы Еуропа чемпионы, Италия құрамасы финалдық кезеңге бірінші орыннан шыға алмады. Ойынның мұндай нәтижесі күтпеген жағдай, тіпті сенсация болды. Команда сырт алаңда Солтүстік Ирландиямен тең түсіп, енді шешуші ойынға қатысады. Ал топта бірінші орыннан Швейцария шықты.
2022 жылғы ӘЧ-ге іріктеудің финалдық кезеңіне өткен командалар: Сербия, Испания, Швейцария, Дания, Бельгия, Франция, Хорватия, Германия, Англия.
Қалған жалғыз тура жолдамаға G тобы таласады. Бұл топта бірден үш команда - Нидерланды, Түркия мен Норвегия бірінші орыннан шығуға үмітті.