Халықаралық футбол тарихы және статистикасы федерациясы (IFFHS) Аргентина құрамасының капитаны Лионель Мессиді 2026 жылғы әлем чемпионатының үздік ойыншысы деп ресми түрде таныды, деп хабарлайды Vesti.kz.
Жеңімпаз ұйымның арнайы математикалық индексі негізінде анықталды. Бұл жүйеде әр матчтағы жеке көрсеткіштер, соғылған голдар, нәтижелі пастар және плей-офф кезеңіндегі шешуші кездесулерде футболшының команда ойынына қосқан үлесі жан-жақты ескерілді.
Жан-жақты статистикалық талдау қорытындысы бойынша IFFHS сарапшылары Мессидің турнир бойы жоғары деңгейдегі тұрақты ойынын ерекше атап өтті. Ұйым мәліметінше, бұл марапат аргентиналық футболшыға бұрынғы жетістіктері үшін емес, тек 2026 жылғы әлем чемпионатындағы нақты статистикалық көрсеткіштері негізінде берілген.
Еске салайық, ӘЧ-2026 финалында Аргентина құрамасы Испаниядан 0:1 есебімен ұтылды.
2026 жылғы әлем чемпионаты 11 маусым мен 19 шілде аралығында АҚШ, Канада және Мексикада өтті.
Жарнама