Швейцария құрамасы 2026 жылғы футболдан әлем чемпионатының соңғы ширек финалисі атанды, деп хабарлайды Vesti.kz.
Команда турнирдің 1/8 финалында Колумбияны пенальти сериясында жеңіп, келесі кезеңге жолдама алды.
Жеңімпаз пенальти сериясында анықталдыМатчтың негізгі уақыты голсыз тең аяқталды - 0:0. Қосымша уақытта да екі команда есеп аша алмады. Осылайша, ширек финал жолдамасының иесі матчтан кейінгі пенальти сериясында белгілі болды.
11 метрлік соққылар сериясында швейцариялықтар дәлдігімен ерекшеленді. Колумбия құрамасының ойыншылары екі мүмкіндігін мүлт жіберсе, Швейцария тек бір рет қателесіп, жеңіске жетті.
Енді Швейцария құрамасы ширек финалда әлемнің қазіргі чемпионы Аргентинамен кездеседі. Қос команда жартылай финал жолдамасын сарапқа салады.
Кездесу Қазақстан уақытымен 12 шілдеде сағат 02:00-де басталады. Матч АҚШ-тың Канзас-Сити қаласында өтеді.