Хорватия құрамасы 2026 жылңы әлем чемпионаты аясындағы Панамамен кездесуде турнирдегі алғашқы жеңісіне жетті, деп хабарлайды Vesti.kz.
L тобының кездесуі Канаданың Торонто қаласында өтіп, 1:0 есебімен аяқталды. Матчтағы жалғыз гол 54-минутта соғылды. Оның авторы Анте Будимир болды.
Осылайша, Хорватия әлем чемпионатында алғашқы жеңісіне жетіп, қоржынына үш ұпай салды.
Бұған дейін осы топтағы Англия мен Гана құрамалары өзара кездесуде 0:0 есебімен тең түскен еді. Қазіргі таңда олардың еншісінде төрт ұпайдан бар.
Ал Хорватия үш ұпаймен плей-офф кезеңіне шығу мүмкіндігін сақтап қалды. Топтық кезеңнің 28 маусымда өтетін соңғы турында, хорваттар Гана құрамасына қарсы ойнайды.