Футболдан 2026 жылғы әлем чемпионатының 1/16 финалындағы Мексика мен Эквадор құрамалары арасындағы матч кейінге шегерілді, деп хабарлайды Vesti.kz.
Кездесу Мексиканың Мехико қаласындағы әйгілі "Ацтека" стадионында өтуі тиіс болатын. Ойын Астана уақытымен 06:00-де басталады деп жоспарланған еді, алайда, күн райының қолайсыздығына байланысты матч белгісіз мерзімге шегерілді.
"Күн райының қолайсыздығына байланысты матчтың басталуы кейінге қалды. Кездесу өткізуге толық қауіпсіз деп танылған кезде ғана басталады", – делінген ФИФА мәлімдемесінде.
Еске салайық, Мексика құрамасы А тобында бірінші орын алып, плей-офф кезеңіне тікелей жолдама алған болатын. Ал Эквадор Е тобында үшінші орын иеленіп, үшінші орын алған үздік сегіз құраманың қатарына еніп, плей-оффқа шықты.
Жарнама