ӘЧ-2022 іріктеу турнирінде Қазақстан құрамасы қай орынға жайғасты?

Сырт алаңда Финляндиядан жеңіліс тапқан Қазақстан құрамасы D тобында соңғы орында қалды, деп хабарлайды Vesti.kz тілшісі.

Талғат Байсуфинов шәкірттері қонақта Суоми командасына 1:0 нәтижесімен есе жіберді. Еліміздің басты командасы әлем чемпионатына жолдама берілетін іріктеуде төрт ойын өткізіп, екі ұпай еншіледі. Соның ішінде жерлестеріміз Украина құрамасымен екі мәрте тең түсті.

Тоғыз ұпайы бар Франция D тобының көшін бастап тұрса, Финляндия футболшылары бес ұпаймен екінші орынға жайғасты. Бес матчта бес ұпай еншілеген украиндар әзірге үздік үштікті қорытындылап тұр.

Квалификацияда екі кездесу өткізген Босния және Герцеговина командасы үш баллмен турнир кестесінің төртінші орнында тұр. Қазақстан ойыншылары 7 қыркүйекте қонақта команда сапында Эдин Джеко, Миралем Пьянич сынды танымал жұлдыздары бар балқандықтармен өзара мықтыны анықтайдығын айта кеткен жөн.