ПСЖ әлемнің ең қымбат футболшысының трансферіне рекордты сомма белгіледі

Мадридтік "Реал" франциялық "Пари Сен-Жермен" шабуылшысы Килиан Мбаппеге қатысты жағдайды мұқият бақылап отыр, - деп хабарлайды L’Équipe.

20 жастағы футболшы Франция чемпионаты маусымының үздік ойыншысына сый табыстау рәсімінде париждік клубтан кетуі мүмкін екен меңзеді.

Мбаппе "Реалға" ауысуы ықтимал. Алайда ПСЖ ойыншымен оңайшылықпен қоштасқысы келмейді және трансфер үшін 250 миллион еуродан кем ұсынысты қарастырмайды да екен. Ал егер трансфер жүргізілсе, бұл рекорд болмақ. Мұның алдындағы рекорд Неймарда, 2018 жылы жазда ПСЖ оның трансфері үшін "Барселонаға" 222 миллион еуро берген еді.

ESPN мәліметінше, Мбаппенің бұл сөзінің басты себебі ортадағы шабуылшы позициясында ойнағысы келетіндігінде. Сонымен қатар, клуб басшылығы ойыншылар таңдауда, жоспарлау мен стартегия бойынша онымен ақылдасқанын қалайды. Мбаппе өзін команаддағы, 1 Лигадағы үздік ойыншы санайды екен.

Сонымен қатар, Le Parisien басылымының жазуынша, Мбаппе бас бапкер Томас Тухель команданың басты жұлдызы Неймар деп есептейтіндігімен келіспейді.

Әлеуметтік желілерде бөлісу