Португалиялық "Бенфика" командасының шабуылшысы Дарвин Нуньес ағылшындық "Ливепруль" командасымен жеке келісімшарты туралы келісімге келді. Бұл туралы журналист Фабрицио Романо жазды.
Инсайдердің ақпараты бойынша, 22 жастағы уругвайлық шабуылшы 2028 жылға дейін келісімге келді. Қазіргі уақытта шабуылшы агентімен бірге Испанияда. Ертең ол Англияға ұшып, "Ливерпуль" командасымен ресми келісімшарт жазуы керек.
Айта кетейік, осыған дейін ағылшындық клуб шабуылшы үшін 80 миллион еуро төлейтіні айтылды. Сонымен қатар, "Бенфико" қосымша сыйақы ретінде 20 миллион еуро алуы мүмкін.
2021/22 жылғы маусымда Нуньес "Бенфика" сапында 41 кездесу өткізіп, 34 гол соғып, төрт нәтижелі пас берді.