Роналдудың медициналық тесті дәрігерлерді таңдандырды

Туриндік "Ювентус" және Португалия құрамасының шабуылшысы Криштиану Роналдудың физикалық жағдайы 20 жастағы жігіттің денсаулығымен тең. Бұл туралы beIN SPORTS тілшісі Маттео Бонетти Twitter желісінде жазған.

Медицицналық тексеру қорытындылары Роналдудың ағзасында тек жеті пайыз май барын көрсеткен, әдетте бұл көрсеткіш 10-11 пайыз мөлшерінде болады. Сонымен бірге, футболшы денесінің жартысы (46 пайыз) бұлшық еттен тұрады екен. 2018 жылғы әлем чемпионатында 33 жастағы португалиялық 34 шақырым жүгіріп, бұл межеге жеткен алғашқы футболшы. 

Сонымен қатар, Ресейдегі әлем чемпионатында сағатына 33,98 шақырым жылдамдық көрсетіп, турнирдегі ең жылдам ойыншы болды. 

Роналду 10 шілдеде мадридтік "Реалдан" туриндік "Ювентус" сапына ауысқан болатын. Келісімшарт құны 112 миллион еуро. Ал футболшының өзі 30 миллион еуро алатын болады.