50 миллион еуро? "ПСЖ" Мбаппеге ұсыныс жасады

Франция чемпионатының көшбасшысы "ПСЖ" клубы Килиан Мбаппені сақтап қалу үшін жылына 50 миллион айлық беруді ұсынды, деп хабарлайды Vesti.kz тілшісі.

Жаңа келісімшарт бойынша футболшы 2024 жылға дейін жылына 50 миллион еуро табыс тауып тұрады. Егер ол осыған келісіп жатса, клубтан қосымша 100 миллион еуро алады.

Мбаппе "ПСЖ" сапында осыған дейін ойнаған 205 матчта 156 гол соқты. Сондай-ақ, 78 рет берген пасы голға айналды.

2018 жылы Франция құрамасымен әлем чемпионы атанған шабуылшыға "Реал" мен "Челси" сынды командалар қызығушылық танытуда. Футболшының қазіргі таңдағы трансферлік құны 160 миллион еуроны құрайды