Футболдан Португалия құрамасы мен "Бенфика" клубының 22 жастағы қорғаушысы Рубен Диаш отандасы Криштиану Роналду бастаған челленджге қатысты.
"Ювентус" форварды 45 секундта пресске арналған жаттығуды 142 рет жасап, рекордты басқаларға бұзып көруді ұсынды.
"Жігіттер, менде белсенділікті сақтау үшін сендерге жаңа сынақ бар: Қонақтар бөлмесінің Кубогы (Living Room Cup). Менің рекордымды бұза аласыңдар ма?" - деп жазған еді Роналду.
Диаш жаттығуды берілген уақытта 150 рет жасап, Криштианудан асып түсті.
Диаш "Бенфика" тәлімгері және клуб үшін 2017 жылдан, ал Португалия құрамасында 2018 жылдан ойнап келеді.