2026 әлем чемпионатына өткен еуропалық барлық команда белгілі

2026 жылғы футболдан әлем чемпионатына шешуші матчтар арқылы Еуропадан жолдама алған барлық құрамалар анықталды, деп хабарлайды Vesti.kz.

Қосымша іріктеу ойындарының қорытындысы бойынша мундиальге келесі құрамалар өтті: Чехия (Даниямен — 2:2, пенальтиде 3:1), Босния және Герцеговина (Италиямен — 1:1, пенальтиде 4:1), Түркия ұлттық құрамасы (Косовоны — 1:0) және Швеция (Польшаны — 3:2) жеңді.

Топтық кезеңдегі жұптар:

Чехия — A тобында Мексика, ОАР және Оңтүстік Кореямен ойнайды.
Босния және Герцеговина — B тобында Канада, Катар және Швейцариямен кездеседі.
Түркия ұлттық құрамасы — D тобында АҚШ, Парагвай және Аустралиямен күш сынасады.
Швеция — F тобында Нидерланд, Жапония және Туниспен ойнайды.

Айта кетейік, 2026 жылғы әлем чемпионаты алғаш рет кеңейтілген форматта өтеді — турнирге 48 құрама қатысып, 12 топқа бөлінеді (әр топта 4 командадан).

Әлем біріншілігі 11 маусым мен 19 шілде аралығында АҚШ, Канада және Мексикада өтеді.