2018 жылғы ӘЧ-ның күміс жүлдегері Мауриньюдің ұсынысын қабыл алмай, Роналдумен қалуға бел буды

Туриндік "Ювентустың" және Хорватия құрамсының шабуылшысы Марио Манджукич осы жазда англиялық "Манчестер Юнайтедке" ауысуы мүмкін еді, - деп жазады Calciomercato.com.

Басылымының жазуынша, манкуниандықтардың бас бапкері Жозе Мауринью 32 жастағы хорватқа жыл сайын бес миллион еуро көлемінде айлық беруге уәде еткен. Туриндік клубта 3,5 миллион еуро алатындығына қарамастан, Манджукич бұл ұсыныстан бас тартты.

Шабуылшы "Ювентустың" бас бапкері Массимилиано Аллегримен тілдескен соң клубта қалатын болды. Бапкер Криштиану Роналду командаға келген соң футболшыны ойын практикасынан кем болмайтынын айтып сендірді. Сонымен қоса, туриндік клуб хорватқа жаңа келісімшарт ұсынуы мүмкін.

Манджукич "Ювентус" сапында 2015 жылдан бері ойнап келеді. Содан бері ол үш рет Италия чемпионы атанған. 2017/18 маусымында форвард Италияның А сериясындағы 32 матчқа қатысып, бес гол салды және үш нәтижелі пас берді.

Ресейдегі 2018 жылғы әлем чемпионатында Манджучик Хорватия құрамасы сапында финалға дейін жетіп, Франция құрамасына айтарлықтай қарсылық танытты. Форвард алты ойынға қатысып, үш гол салды және бір нәтижелі пас берді.

Әлеуметтік желілерде бөлісу