19 жастағы футболшы Сербия мен Ресейден кейін Қазақстанға қайта оралды

Жартылай қорғаушы Изат Құлжанов алдағы маусымды бірінші лиганың "Ақсу" клубында өткізеді,- деп хабарлайды Vesti.kz. Ол өткен маусымда Ресей біріншілігінде "Носту" (Новотроицк) сапында өнер көрсетті. Құлжанов аталған клуб құрамында төрт ойын өткізіп, қысқы маусымаралықта ол жақтан кетті.  
 
Оның алдында Изат "Раднички" (Пирот) және "Раднички" (Крагуевац) сынды сербиялық клбутардың құрамында жаттыққан болатын. Алайда, кейінірек Ресейге аттануды жөн санаған.

19 жастағы жартылай қорғаушы павлодарлық футбол мектебінің түлегі. Ол екінші лигада "Ертіс" жастар құрамасы сапында 2019 жылы өнер көрсеткен. Құлжанов сол маусымда 33 ойынға қатысып, оның ішінде төртеуі пенальтиден соғылған, жалпы есепте сегіз гол авторы атанған еді.