Семсерлесуден Қазақстан құрамасы әлем чемпионатында Ресей командасын жеңіп, 1/8 финалға өтті, деп хабарлайды Vesti.kz.
Әлем чемпионатындағы алғашқы кездесуде қазақстандық спортшылар Ресей құрамасын 45:35 есебімен жеңіп, келесі кезеңге өтті.
Енді келесі айналымда Қазақстан құрамасы ширек финал жолдамасын Қытай командасымен сарапқа салады.
Айта кетейік, Қазақстан құрамасы сапында Париж Олимпиадасына жолдама алған Руслан Курбанов, Вадим Шарлаимов, Елмир Әлімжанов және Кирилл Проходов өнер көрсетіп жатыр.
Еске салайық, Грузия астанасы Тбилисиде 22 шілдеде басталған семсерлесуден әлем чемпионаты 30 шілдеде аяқталады.
Қазақстан құрамасы – Азия чемпионатының күміс жүлдегері. Алайда команданың көшбасшысы Руслан Курбанов жеке сын бойынша 1/8 финалға өте алмады.
Жарнама