Семсерлесуден Балиде (Индонезия) басталған Азия чемпионатында ел қоржынына алғашқы жүлде түсті, - деп хабарлайды Vesti.kz.
Сапы жаттығуында сынға түскен отандастарымыздың арасынан Вадим Шарлаимов қола медальға қол жеткізді.
Отандасымыз жарыс жолында сары құрлық додасының басты фавориті, Токио және Париж Олимпиадасының чемпионы Коки Каноны 1/4 финалда (Жапония) 15:14 есебімен жеңіп кетті.
Алайда жартылай финалда Азия чемпионатының екінші нөмірі Масару Ямадаға 7:15 есебімен жол берді.
Өзге спортшыларымыздың арасынан Руслан Курбанов ширек финалға дейін жетсе, Кирилл Проходов, Ерлік Сертай 1/8 финалда сүрінді.
Айта кетейік, 2024 жылы да дәл осы сайыста Ерлік Сертай қола жүлде иеленген болатын.