Гүзель Манюрова әйелдер күресі бойынша визе-президент болып тағайындалды

©:wrestling.kz

ҚР Грек-рим, еркін және әйелдер күресі федерациясының президенті Сауат Мыңбаевтың жарлығымен Олимпиада ойындарының күміс және қола жүлдегері, әлем чемпионатының күміс медаль иегері, Азия ойындарының жеңімпазы, Азия чемпионатының төрт дүркін чемпионы Гүзель Манюрова әйелдер күресі бойынша вице-президенті болып тағайындалды.

Гүзель Манюрованың әлемдік күресте алар орыны ерекше. 2012 жылы Лондон олимпиадасында қола жүлдеге ие болған Манюрова Азия чемпионатында төрт мәрте топ жарып, Азия ойындарының екі дүркін жүлдегері атанды. Осыдан екі жыл бұрын Рио олимпиадасында күміс медаль жеңіп алды. Қазақстанның әйелдер күресінен бас бапкері қызметін атқарды.

Атап өтерлігі, Гүзель бойжеткендерге бас бапкер болып жұмыс істеген әлемдегі алғашқы бапкер-әйел.

Балуан ретінде әйелдер күресінің дамуына ерекше үлес қосқан Гүзель Тагирқызы енді басшылық қызметте де жоғары жетістікке жетеді деген сенімдеміз. ҚР Грек-рим, еркін және әйелдер күресі федерациясының ұжымы Гүзель Тагирқызы Манюрованы жаңа қызметке тағайындалуымен құттықтайды. Жауапкершілігі зор қызметті абыроймен атқараруға тілектеспіз.

Әлеуметтік желілерде бөлісу