Өз қақпасына гол соғып қойды. Германия Еурода қарсыласын ойысарата ұтты

Футболдан 2024 жылғы Еуропа чемпионатының алғашқы матчінде Германия құрамасы Шотландияны ойсырата ұтты, деп жазады Vesti.kz.

А тобындағы кездесу Мюнхендегі "Альянц-Аренада" өтіп, 5:1 есебімен алаң қожайындарының пайдасына аяқталды. 

Бундестим бірінші таймда-ақ 3:0 есебімен ұтып жатты. 

Осы турнирдегі алғашқы голды Германия құрамасының жартылай қорғаушысы Флориан Вирц оныншы минутта салды. 

19-минутта Кай Хаверцтің пасымен Джамаль Мусиал есепті еселеді. 

Бірінші тайм соңында Кай Хаверц 11 метрлік айып добын сәтті орындады. 

68-минутта тағы бір айып добын Никлас Фюллькруг қарсылас қапасына дәл жеткізді.

76-минутта Фюллькруг тағы бір гол салды, бірақ төреші офсайд болғандықтан оны есептемеді.

87-минутта Антонио Рюдигер өз қақпасына абайсызда автогол салып қойды. 

Эмре Джан соңғы минуттарда Шотландия қақпасына тағы бір гол салып үлгерді.