Италияның Рим қаласында футболдан Еуропа чемпионатының ресми ашылу салтанаты өтті, деп хабарлайды Vesti.kz порталы.
Ашылу салтанаты жанкүйерлердің қатысуымен өтті. Италия билігі "Стадио Олимпико" стадионына 16 мың жанкүйерге кіруге рұқсат етті.
Еуро-2020 додасын ресми әлем футболының жұлдыздары - Франческо Тотти мен Алессандро Неста ашты.
Ал атақты әнші Андреа Бочелли Nessun Dorma әнін орында. Диджей Мартин Гаррикс пен U2 We Are The People деп аталатын біріншіліктің ресми гимнін шырқады.
Бұл ашылу рәсімінде Түркия мен Италия құрамалары өзара кездеседі.
Еске салайық, турнир 11 маусым мен 11 шілде аралығында Петербург, Лондон, Мюнхен, Баку, Рим, Бухарест, Копенгаген, Амстердам, Глазго, Будапешт және Севилья қалаларында өтеді.