"Тоттенхэм" қорғаушысы Дэнни Роуз тұтқындалды
Сурет "Тоттенхэм" сайтынан алынды.
"Тоттенхэмнің" 30 жастағы қорғаушысы Дэнни Роузды апатқа байланысты Нортгемптон полициясы тұтқындады. Бұл туралы The Telegraph хабарлады.
Ақпарат көзінің мәліметінше, 23 желтоқсанда кешке Роуз үлкен жылдамдықпен тас жол бойымен келе жатып, рульге ие бола алмай, жолдан шығып кеткен. "Тоттенхэм" футболшысының өзі жарақат алған жоқ, бірақ көлігі қатты зардап шегіпті. Полиция оны көлікті қауіпті жүргізгені үшін айыптап, полиция бөлімішесінде қамауға алды.
Роуздың Нортгемптонға неге барғаны белгісіз, ал оның командасы сол күні "Сток Ситиге" қарсы (3:1) матч өткізді. Осы екі нүктенің арақашықтығы шамамен 150 километрді құрайды.