"Манчестер Юнайтед" пен Франция құрамасының жартылай қорғаушысы Поль Погба алдағы уақытта ағылшын командасынан кетуі мүмкін.
Daily Mail басылымының ақпараты бойынша, "Манчестер Юнайтед" Погбаны тегін жібермеу үшін 28 жастағы футболшыны сатудың әрекетін жасауда. Франциялық жартылай қорғаушының келісімшарты келесі жылы аяқталады. Ал Поль болса келісімді ұзартқысы келмей жатыр.
Бұл жағдайды "Пари Сен-Жермен" командасы мұқият бақылап отыр. Париждік команда жартылай қорғаушыны 50 миллион еуроға сатып алуға ниетті. Қазіргі уақытта футболшының агенті Мино Райола өз клиентіне жақсы келімшарт жасап беруі үшін ПСЖ командасының басшылармен келіссөз жүргізуде.
Айта кетейік, Погба өткен маусымда ағылшын біріншілігінде 26 кездесуге қатысып, үш гол соғып, үш голдық пас берді.