"Челси" клубы әлеуметтік желіде футболшының масқаралау хабарламасы үшін қытайлықтардан кешірім сұрады

Лондондық "Челси" футбол клубы ресми түрде Қытай халқынан команда қорғаушы Роберт Кенеди Нунес до Насиментоның Іnstagram желісіндегі парақшасында масқаралау жазбасы үшін кешірім сұрады, - деп хабарлайды Vesti.kz.

Бейжің қаласында "Арсенал" клубына қарсы ойында (3:0) жанкүйерлер 21 жастағы бразилиялыққа қарсы наразылық белгісі ретінде ысқырық шалды. Оған дейін қорғаушы әлеуметтік желіде жұмыс орнында ұйықтап қалған қауіпсіздік қызметінің суретін жариялап, масқаралаған болатын.

"Өкінішке қарай, футболшы жазбаны дер кезінде өшіріп, кешірім сұрағанымен, сондай-ақ клуб қытайлық әлеуметтік желілер арқылы кешірім сұраса да, Қытай халқының мүддесіне нұқсаң келтірілген.

"Челси" тағы бір мәртекешірім сұрайды. Кенедидің әрекетінде қателік бар, бұл оған үлкен сабақ болды. Оның әрекеті команданың не клубтың атынан жасалды деген сөз емес. Кенеди қатаң сөгіс алып, тәртіптік жауапкершілікке тартылды", - делінген клубтың ресми сайтында.

Chelsea football club's player Kenedy posted this pic when the team is playing in China right now. #SayNoToRacism pic.twitter.com/15EmkxqTTU
— azpity (@azpi1130) 22 июля 2017 г.