"Барселона" Португалия құрамасының қорғаушысын ағылшындық клубқа сатып жіберді

Футболдан Португалия құрамасының қорғаушысы Нелсон Семеду карьерасын Ағылшын премьер-лигасында жалғастырады. Ол "Вулвэрхэмптон" сапына ауысты,- деп хабарлайды британдық клубтың ресми сайты.

Келісімшарт "3+2" жүйесі бойынша жасалған. Ағылшын командасы Семедуды 30 миллион еуроға сатып алыпты. 

26 жастағы Семеду "Барселона" намысын 2017-2020 жылдар аралығында қорғады. Бұл уақыттың ішінде ол 82 кездесуге қатысып, 2 гол соғыпты. Каталониялық клубқа ол "Бенфика" сапынан 35,7 миллионға ауысып келген еді. 

Ал "Вулверхэмптон" Англия біріншілігінің жаңа маусымында 12-орында келеді. Еншісінде 3 ұпай бар. Бір ойында жеңіске жетіп, бір ойында жеңілген. Алдағы кездесуін бұл команда 27 қыркүйек күні "Вэст Хэм" ұжымына қарсы өткізеді.