Екі велошабандоз Astana Qazaqstan Team командасымен келісімшартын ұзартты

Қазақстандық екі шабандоз Андрей Зейц пен Глеб Брусенский Astana Qazaqstan Team командасымен өз келісімшарттарын тағы бір маусымға (2023 жылға) ұзартты, деп жазады Vesti.kz тілшісі Olympic.kz сайтына сілтеме жасап.

Андрей Зейц (35 жаста) - пелотондағы ең тәжірибелі қазақстандық шабандоз, "Тур де Франс" кезінде Алексей Луценко үшін маңызды шабандоздардың бірі бола отырып, командада берік маусым өткізді. Маусым барысында керемет командалық жұмыстармен қатар, Андрей бірқатар жеке нәтижелерге қол жеткізді, олардың арасында "Челлендж Мон-Ванту" таулы бір күндік жарысында 8-ші, "Сицилия турында" жалпы есепте 9-шы және "Окситания туры" мен "Лангкави туры" бас классификациясында ондықтан екі орын бар".

Глеб Брусенский үшін (22 жаста) жаңа ғана аяқталған маусым Astana Qazaqstan Team құрамында кәсіби шабандоз ретінде екінші жыл болды. 2022 жылы Глеб 23 жасқа дейінгі Азия чемпионатының топтық жарысында жеңіске жетті, Қазақстан чемпионатының топтық жарысында үшінші орынға ие болды және "Тур де л'Авенирде" жалпы есепте 15-ші орында тұрақтады.