Даниил Фоминых жекелей сында Қазақстан чемпионы атанды

Алматыда тас жолдағы велоспорттан Қазақстан чемпионаты басталды. Бүгін біріншіліктің алғашқы жеңімпазы мен жүлдегерлері да анықталып үлгерді. Даниил Фоминых 50 шақырмға арналған жекелей сында чемпион атанды.

Ол бұл қашықтықты 1 сағат 3 минут 42 секундта жүріп өткен. Даниилдан бір минут 7 секунд қалып қойған Игорь Чжан екінші, Андрей Зейц үшінші орынды иеленді. Жандос Бижігітов (1:05:22,32) төртінші, Алексей Луценко (1:05:25,03) бесінші болып мәре сызығын кескен.

"Жарыс керемет өтті, ұйымдастыру жоғары деңгейде. Өзім жеңіске жетем деп мақсат қойғасын, бәрі де ойдағыдай өтті. Тас жол да ыңғайлы, екі айналымнан тұратын жолда бұрылыстар да, биікк шығатын кездер де болды. Алматыдағы ауа райы да бізге көмек болып тұр. Бір сөзбен айтқанда, бәрі ойымнан шықты. Енді топтық жарысқа дайындалып, ол сында да жақсы нәтиже көрсетуге тырысамын", - дейді Даниил Фоминых.

Бүгін әйелдер мен жасөспірімдер арасындағы жекелей сын бәсекелері өтеді.