"Астанада" алты маусым өнер көрсеткен колумбиялық шабандоз клубқа қайта оралды

Қазақстандық "Астана" велокомандасында ұзақ уақыт көшбасшысы болған Мигель Анхель Лопес клубқа оралады, деп хабарлайды команданың ресми сайты.

27 жастағы колумбиялық шабандоз командамен келесі екі маусымға (2022 және 2023) арналған жаңа келісімге қол қойды.

Мигель Анхель Лопес осыған дейін "Астанада" алты маусым өткізді (2015 жылдан 2020 жылға дейін). Осы жылдар арасында өзінің ең айтулы нәтижелеріне қол жеткізді. "Швейцария туры" (2016), "Вуэлта Каталония" (2019), "Колумбия туры" (2019) сынды додалардың жалпы есебіндегі жеңіс, "Испания Вуэльтасы" және "Тур де Франс" додаларының кезеңдеріндегі жетістік, "Милан – Турин" классикалық жарысындағы жеңісті айтып өтуге болады.