Аралас жекпе-жектің қазақстандық шебері Жалғас Жұмағұлов (17-9) отандасы Шавкат Рахмоновтың (19-0) чемпиондық айқастан бас тартуына қатысты ойын айтты, деп хабарлайды Vesti.kz.
Еске салайық, "Номад" мамыр айында жартылай орта дивизион чемпионы Белал Мухаммадпен (24-3) титул үшін айқасу керек болған. Алайда бұл жекпе-жекке Шавкат жарақат салдарынан шыға алмайтын болды.
"Шавкатта денсаулығымен мәселе бар шығар. Титулдан кім бас тартсын? Демек, айтарлықтай бірдеңе болды. Оған осы жекпе-жекті ұсынғаны туралы өзі хабарлады ғой", - дейді Жұмағұлов.
Сонымен бірге, Жалғас кейінгі айқас Шавкатқа ауыр тигіненін айта кетті
"Ол (Шавкат) үнемі жасы келген, тоқырап бара жатқан, бірақ, атақты қарсыластармен айқасты. Ал кейінгі жекпе-жекте ол жас жігітпен (Иэн Гэрри) шықты. Ол (Гэрри) жас әрі тәжірибесіз, дегенмен, қандай жекпе-жек болғанын көрдіңіздер ғой. Шавкат тәжірибесі арқасында жеңіске жетті. Бірақ анау мықты қарсылық көрсетті. Мұны бәрі көрді", - деп береді Жұмағұловтың сөзін Cuba Boxing Club YouTube арнасы.
Жарнама