UFC қазақстандық файтер Дамир Исмағұловты (24-3) ұйымнан шығарды, деп хабарлайды Vesti.kz.
Мұны UFC ростеріндегі өзгерістерді жазатын Roster Watch Twitter-аккаунтты жариялап отыр.
2 шілдеде өткен UFC Vegas 76 турнирінде Дамир төрешілер шешімімен Грант Доусоннан жеңілді.
Исмағұловтың UFC-дегі рекорды 5-2, ал жалпы MMA-де 24-3. Доусонмен айқас қазақстандық спортшы үшін UFC-мен келісімшарт бойынша соңғысы еді. Алайда жекпе-жекке дейін-ақ Дамир ұйымның жаңа келісімшарт ұсынғанын айтқан.