UFC-де өнер көрсететін қазақстандық файтер Дамир Исмағұловтың келесі қарсыласы белгілі болды, деп хабарлайды Vesti.kz.
Даниялық журналист Марсел Дорфф қазақстандық файтердің кіммен жекпе-жек өткізетінін айтты.
"Бұл үлкен айқас 17 желтоқсан #UFCVegas66 турнирінде өтеді. Арман Царукян жеңіл салмақта Дамир Исмағұловпен жұдырықтасады", - деп жазыпты Дорфф.
31 жастағы Дамир UFC рейтингінде 12-орында, ол промоушендегі бес жекпе-жектің бәрінде жеңіске жеткен. Ал 25 жастағы Царукян оныншы орында, ол UFC-дегі жеті айқасының алтауында басым болған.