UFC-дегі ең мықты файтер чемпиондық белбеуден бас тартатынын мәлімдеді

Америкалық файтер Джон Джонс жартылай ауыр салмақтағы UFC чемпиондығынан бас тартты. Бұл туралы спортшының өзі твиттер желісінде жазды. 

32 жастағы Джонс титулды жекпе-жекті Доминик Рейес пен Ян Блахович арасында өткізуді ұсынды. 

"Қазір бұл жекпе-жек маған ештеңе бермейді. 2021 жылы олардың кез келгенін ойланбай жеңгенімді көргілерің келсе, айтарсыздар. Ол уақытқа дейін маған ақша төлей алатын шығар", - деп жазыпты спортшы. Ал жанкүйерлердің бірінің сұрағына жауап бере отырып, ол титулдан бас тартатынын мәлімдеді.

Бұған дейін Джонс UFC басшылығыны сынап бірнеше пост жазған. Файтердің айтуынша, промоушен басшысы Дана Уайт оның чемпион болғанына қарамастан, ақшасын дұрыс төлемейді. 

Джонс UFC-де жартылай ауыр дивизион титулын екі рет жеңіп алған. Екінші рет 2018 жылы болды. Содан бері чемпиондығын үш рет қорғады. Америкалық спортшы UFC ұйымының pound for pound рейтингінде көшбасшы.