АҚШ-тың Лас-Вегас қаласында UFC Fight Night 256 турнирі өтті. Оның басты жекпе-жегі жартылай орта салмақтағы бразилиялық Гилберт Бернс пен жеңіліп көрмеген эквадорлық Майкл Моралес арасында өтті, деп хабарлайды Vesti.kz.
Кештің басты жекпе-жегінде Майкл Моралес бірінші раундта Гилберт Бернсті нокаутқа түсірді. 25 жастағы эквадорлық спортшы үшін бұл аралас жекпе-жектегі 18-ші, ал UFC-дегі алтыншы жеңісі болды. Моралес әлі күнге дейін жеңілмеген. Ал 38 жастағы Бернстің еншісінде 22 жеңіс және 9 жеңіліс бар.
Эквадорлық файтер жеңіс сериясын алты жекпе-жекке жеткізді. Бұл UFC жартылай орта салмақтағы үшінші үздік нәтиже, Хоакин Баклимен тең.
Одан ұзақ серия тек Шавкат Рахмонов (7 жеңіс) және Джек Делла Маддаленада (8 жеңіс).
Жарнама