UFC-де өнер көрсететін Қазақстан тумасының қарсыласы анықталды

Қазақстанда дүниеге келген файтер Рафаэль Физиев (11-1) UFC ұйымындағы өзінің келесі кездесуін 9 шілде күні өткізеді. Бұл туралы ESPN хабарлады. 

Жеңіл салмақта өнер көрсететін Физиевтің келесі қарсыласы бразилиялық Рафаэль Дос Аньос (31-13) болады. 

"Келісімшартқа әлі қол қойылмаған. Бірақ UFC бұл кездесуді ұйымдастырады. Екі файтер UFC Fight Night турнирінің хэдлайнері болады. Айқастың қайда өтетіні әлі нақты анықталмады", - деп жазады дереккөз. 

Айта кетейік, UFC бұл спортшылардың кездесуін осымен үшінші рет ұйымдастырып көрмекші. Әуелде аталған жекпе-жек ақпанда болу керек. Кейін наурызға шегерілді. Наурыздағы кездесу алдында Физиев коронавриус жұқтырып алды. 

Еске салайық, Физиев жеңіл салмақтағы UFC рейтингінде оныншы орында. Ал Аньос болса алтыншы сатыға жайғасқан.