Жеңіл салмқата UFC ұйымының бұрынғы чемпионы америкалық Фрэнки Эдгар UFC 281 турнирінде отандасы Крис Гутьеррестен нокаутпен жеңіліп, осыған қатысыты өкінішін білдірді.
"Жүргеім қырық-жамау болды. Спорттан бұлай кеткім келген емес. Бірақ болғаны болды. Нокаутты бәрі көрді. Өте ұят. Жанкүйерлер жекпе-жекке дейін де, кейін де менің атымды айқайлап қолдау білдіріп тұрды. Осы деңгейге жету үшін көп тер төктім. Осы үшін көп дүниені құрбан еттім. Алайда шағымданып тұрған жоқпын. Өмір бойы күнін көру үшін ғана талып түскенше еңбектенетін адамдар бар. Мен өмірдің бұл жағын да білемін. Сондықтан жеткеніме, жүріп өткен жолыма шүкіршілік етемін", - деп береді Эдгардың сөзін MMA Fighting порталы YouTube-тегі Champ and The Tramp арнасына сілтеме жасап.