Майамиде өткен UFC 299 турнирінде аустралиялық файтер Джек Делла Манделла қазақстандық Шавкат Рахмоновты жекпе-жекке шақырған еді. Қазақстандық спортшы дайынмын жауап берген болатын. Алайда бұл жекпе-жектің енді жуық арада өтуі екіталай.
Джек Делла Манделла UFC 299 турнирінде Гилберт Бернспен шайқасты. Үшінші раундта қарсыласын нокаутпен жеңді. Осы жекпе-жекте файтер қолын сындырып алған.
UFC жаңарған рейтингінде Манделла жартылай орта салмақта 6 саты жоғарылады. Ал отандасымыз Шавкат Рахмонов үздік үштікте. Екі спортшы арасындағы жекпе-жек жақын арада өтуі екіталай. Аустралиялық спортшы жарақатына ота жасатады.
Сондай-ақ Шавкат та қазір жарақатын емдетіп жүр.