UFC-дің жартылай орта салмақ рейтингінде тоғызыншы орында тұрған америкалық Хоакин Бакли (21-7) қазақстандық файтер Шавкат Рахмоновтың (19-0) ауыр жарақат пен тізесіне жасалған операциядан кейінгі болашағына қатысты пікір білдірді, деп хабарлайды Vesti.kz.
Бұл пікірге Рахмоновтың UFC жартылай орта салмақ рейтингінен шығарылуы себеп болған. Ол жеңілмеген спортшы әрі бұрынғы титулға үміткер мәртебесіне ие болғанына қарамастан, тізімнен шығарылды.
"Оны мүлде алып тастауы мүмкін"Overdogs Podcast эфирінде Бакли ұзақ уақыт жекпе-жексіз қалу Рахмоновқа тек рейтингтегі орнын ғана емес, UFC-дегі карьерасын құрту қаупін төндіруі мүмкін екенін айтты.
Ковингтонмен салыстыру"Оны жай ғана рейтингтен алып тастаған жоқ - бәлкім, одан мүлде құтылуы да мүмкін, себебі ол тым ұзақ уақыт бойы жекпе-жек өткізбей жүр. Міне екі жылға жуық уақыт болады", - деп береді Баклидің сөзін MMA Junkie.
Америкалық спортшы неге Колби Ковингтон (17-5, рейтингте №14) әлі де тізімде тұрғанын түсіндірді. Ковингтон да 2024 жылдың желтоқсанынан бері жекпе-жек өткізбеген.
"Мен аяғым ауырса да айқасқа шығар едім""Колби Ковингтонды ұстап отыр, себебі олар оның ақшалай қызығушылық тудыратынын біледі. Қалай болғанда да, ол бір күні жекпе-жекке шығып, гонорар алады және UFC рейтингінде алға жылжытқысы келетін біреуге қарсы тұрады. Сондықтан Колбиді қалдырып отыр. Бұл - керек кезде пайдаланатын ыңғайлы адам".
Баклидің пікірінше, Рахмонов өз мүмкіндігін жіберіп алған.
"Ал Шавкат өз мүмкіндігін жіберіп алды. Мен болсам, рейтингте қалу үшін аяғым ауырса да жекпе-жекке шығар едім. Ал қазір - болды, ол жоқ. Бұл ақылға сыймайды".
"Біз Шавкатты UFC-де енді көрмейміз"Ең даулы мәлімдемесінде Бакли қазақстандық файтердің болашағына қатысты батыл болжам жасады.
"Мен қазір айтайын: біз Шавкатты UFC-де енді ешқашан көрмейміз. Оның қиындығы - ол контент жасаушы емес. Ал Колби үнемі өз есімін ақпарат алаңында ұстап тұрады, өзекті болып қалады. Адамдар сенің кім екеніңді білуі үшін осындай нәрселер жасау керек".
Ол сондай-ақ Рахмонов төңірегіндегі ақпараттық майданның да кері әсер етіп отырғанын атап өтті.
"Жанкүйерлер оны ұмытып кетеді""Шавкат туралы әр жолы жағымсыз мәнде айтылады - бұл жақсы емес".
Сөз соңында Бакли тағы да қатаң пікір айтты:
"Ақыр соңында жанкүйерлер оған деген қызығушылығын жоғалтады. Олар Шавкатты ұмытып кетеді - сөз беремін. Жай ғана ұмытады. Ал UFC-дің келесі қадамы қарапайым болады: олар оны Қазақстанға кері қайтарып жібереді".