Қазақстандық аралас жекпе-жек шебері Шавкат Рахмонов (18-0) UFC-дің жаңартылған рейтингінде жартылай орта салмақта екі саты жоғарылап, үздік үштікке енді.
Шавкат бұған дейін бесінші орында болған. Отандасымыз жексенбі күні Лас-Вегаста америкалық Стивен Томпсонды қылқындыру әдісімен ұтып, кезекті жеңісіне қол жеткізді. Нәтижесінде 3-орында тұрған америкалық Колви Кобингтонды 2 саты төмен сырғытты.
Жартылай орта салмақта чемпиондық атаққа ие – Леон Эдвардс (23-3). Британдық спортшы отандасымызбен шайқасуға қарсы емес. Үздік үштікке енген Шавкат та чемпионға қарсылас атануы да мүмкін.
Рейтингте Шавкаттан жоғары Камару Усман мен Белал Мұхаммед тұр.