Жеңіліп көрмеген қазақстандық файтер Шавкат Рахмонов (19-0) UFC-ге ороалатыннымеңзеді, деп хабарлайды Vesti.kz.
19-0 vs 19-0
"Номадтың" келесі қарсыласы эквадорлық Майкл Моралес (19-0) болуы мүмкін. Жекпе-жекті 2027 жылдың қаңтар-ақпан айларында өткізу ықтимал.
Бұл қауесетке Рахмоновтың әлеуметтік желідегі жарияланымдары себеп болды. Қазақстандық файтер екі видео жариялаған. Біріншісінде "19-0 VS 19-0" деген жазу пайда болса, екіншісінде өрмекші-адам эмодзиімен бірге "2027" деген жазу көрсетілген (аттас комикс кейіпкері Майлз Моралеске жасалған ишара).
Осыдан кейін MMA қауымдастығында Рахмонов пен Моралес арасындағы жекпе-жек келесі жылдың басында өтуі мүмкін деген әңгіме тарады.
Shavkat Rakhmonov posted two videos on social media: one captioned "19-0 vs. 19-0", the other "2027" with a Spider-Man emoji. A Rakhmonov vs Michael Morales fight in January or February looks more likely. Morales recently called Shavkat his "final boss of the division before a title fight." AgentMMA
— Agent MMA (@agentmma) October 6, 2026
Моралес Рахмоновты жекпе-жекке шақырған болатын
Моралес бұған дейін де Рахмонов туралы айтып, титулдық жекпе-жек өткізуі мүмкіндігін талқылау кезінде қазақстандық файтерді "дивизионның соңғы боссы" деп атаған.
Алайда әзірге екі файтердің жекпе-жегі туралы ресми ақпарат жарияланған жоқ.
Соңғы жекпе-жектері
Еске салайық, Рахмонов октагонға соңғы рет 2024 жылдың 7 желтоқсанында Лас-Вегаста өткен UFC 310 турнирінде шыққан. Ол кезде қазақстандық файтер ирландиялық Иэн Мачадо Гэрриді төрешілер шешімімен жеңген.
Ал дивизион рейтингінде үшінші орында тұрған Моралес соңғы жекпе-жегін 2025 жылдың 15 қарашасында Нью-Йорктегі UFC 322 турнирінде өткізді. Ол америкалық Шон Брэдиді бірінші раундта нокаутқа түсірген еді.
Жарнама