Ресейлік қазақ Дамир Ысмағұлов (19-1) UFC Vegas 27 турниріндегі Рафаэль Алвеспен (19-9) болатын жекпе-жегіне қатысты пікір білдірді, деп хабарлайды Vesti.kz.
"Ал олардың қалай тышқан аулайтынын көрдік, енді қалай жұдырықтасатынын тексерейік! Бір адам айтқандай: "Сендер ақша үшін төбелесесіңдер, ал біз мың жылдан бері айқасып келеміз", - деп жазыпты Дамир Instagram желісінде.
Дамир осымен UFC-дегі төртінші жекпе-жегін өткізеді, мұның алдындағы үшеуінде де ол жеңіске жеткен.
Жексенбі, 23 мамырда өтетін бұл турнирде тағы бір қазақ спортшы Сайран Нұрданбек (19-6) те бірінші айқасын өткізеді. Сайран Қытайдағы қандасымыз екенін айта кетейік.
Ал бұл шоудың басты кездесуінде америкалық файтерлер Роб Фонт (18-4) пен Коди Гарбранд (12-3) жұдырықтасады.