Шотландиялық Thescrap.co басылымының журналисті Cтивен Ра UFC ұйымының рейтинг жүргізуін қатты сынады,- деп хабарлайды Vesti.kz.
Жартылай орта салмақтағы Хамзат Чимаев дивизион рейтингінде бірден топ-15 тізімге кіргеннен кейін Стивен осы тақырыпты көтерді: "Рис МакКиді жеңіп, топ-15 тізімге кірдің ба? Ал Хаос Уильямс осы уақытта Чимаевтың барлық қарсыласынан мықты екі жігітті нокаутқа түсірді.
Ра мұнымен тоқтамай тағы бір твит жариялады: "Шавкат Рахмоновтың дебюті Чимаевтың UFC-дегі барлық үш жекпе-жегінен мықты, бірақ, оның атын бұлай дүркіреп жатқан жоқ. Бұл шынымен өкінішті. Мұны өзгертуге септесемін деп үміттенемін", - дейді журналист.
Хамзат Чимаев тегі шешен швециялық спортшы, UFC-мен келісімшартқа осы жазда отырған. Чимаев он күнде екі жекпе-жекте жеңіске жетіп, промоушен рекордын орнатқан. Ал қыркүйекте ол тағы бір кездесу өткізіп, қарсыласын бір соққымен есеңгіреткен еді. Осы аптада UFC сайты рейтингін жаңартып, онда Чимаев бірінші рет топ-15 тізімге кірген.