Рахмонов кейінгі айқасында америкалық файтердің аяғын сындырып жіберіпті

UFC-дің америкалық жауынгері Стивен Томпсон (17-7-1) Лас-Вегаста (Невада, АҚШ) өткен UFC 296 турнирінде қазақстандық Шавкат Рахмоновқа (18-0) жеңілгені туралы айтты, деп хабарлайды Massaget.kz. 

Турнирдің ең басты кездесуі мерзімінен бұрын аяқталды. Осылайша қазақстандық спортшы UFC-дегі 6 жекпе жекпе-жекте қарсыласын тұншықтыру әдісімен жеңіске жетті.

"Жекпе-жек жоспарын орындамағанда не болады? Екінші раундта жеңіп кетеді (күледі). Бәрі жақсы. Біз алға қарай жүре береміз. Мен жекпе-жектен кейін үйге жарақатсыз оралдым. Тек Шавкатқа жасаған соққым оның денесіне емес шынтағына тиіп аяғымды сындырған сияқтымын. 

Қарсыласыңыздың шынтағын теппеңіз. Себебі бұл үлкен қателік. Ия, мен аяғымды сындырдым. Бірақ мен қайтадан дайындалу үшін залға оралуды тағатсыздана күтудемін.

Сондай-ақ, мен сіздердің жекпе-жек кезінде көрсеткен барлық қолдауыңызды бағалаймын. Әрине, бәрі мен қалағандай болмады. Дегенмен сіз өз мақсатыңыздан, жоспарыңыздан ауытқымауыңыз керек. Мен өз жоспарыма берікпін. Бұл менің қателігім", - дейді Томпсон өзінің YouTube арнасында.

Айта кетейік, бұған дейін Шавкат Рахмонов аяқтың жарақатына байланысты жылдың басты турнирі UFC 300 турниріне қатыспайтындығы туралы хабарлаған болатын.